ՎԱՐՈՒԺԱՆ ԱՎԱՆԵՍՅԱՆ

Ծրագրի ղեկավար, ԵՀՀ

ՄԵԴԻԱՆ ՔԱՂԱՔԱՑԻՆԵՐԻ ՏԵՂԵԿԱՑՎԱԾ ՄԱՍՆԱԿՑՈՒԹՅԱՆ ՀԱՄԱՐ
ՄՔՏՄ

«Մեդիան քաղաքացիների տեղեկացված մասնակցության համար » (ՄՔՏՄ) հնգամյա գործընթաց է, ֆինանսավորվում է ԱՄՆ Միջազգային զարգացման գործակալության կողմից: Իրականացնում են Մեդիա նախաձեռնությունների կենտրոնը (ՄՆԿ), Եվրասիա համագործակցություն հիմնադրամը (ԵՀՀ) և Ինտերնյուսը (ԱՄՆ) Երևանի մամուլի ակումբի (ԵՄԱ) և Հետազոտական ռեսուրսների կովկասյան կենտրոնի (ՀՌԿԿ) հետ համատեղ:

ՄՔՏՄ ծրագրի նպատակն է քաղաքացիներին հասանելի դարձնել անկախ և վստահելի տեղեկատվական աղբյուրները, որոնք պատմում են հասարակության վրա ազդող բարեփոխումների մասին։

Աջակցելով որակյալ լրագրությանը և մեդիագրագիտության տարածմանը՝ այն ձգտում է ձևավորել հանրային վերահսկողության պահանջարկ՝ ստեղծելով քաղաքացիների մասնակցության և ներգրավվածության անհրաժեշտ մեխանիզմ:

Ծրագրի դիտակետում

կառավարման թափանցիկության, հաշվետվողականության, ապակենտրոնացման և սոցիալական ոլորտի քաղաքականության բարեփոխումներն են, մարդու իրավունքները:

Ծրագիրը համագործակցում է հանրապետությունում գործող թիրախային լրատվամիջոցների հետ։ Տրամադրում դրամաշնորհներ՝ բարեփոխումների մասին որակյալ մեդիաարտադրանք ստեղծելու և տարածելու համար։

ՄԵԴԻԱ ԴՐԱՄԱՇՆՈՐՀՆԵՐ

Նպաստել ՀՀ-ում տեղի ունեցող բարեփոխումների գործընթացի մասին տեղեկատվության տարածմանը, հանրային մասնակցության բարձրացմանը նպաստող իրազեկմանը՝ որակյալ մեդիա արտադրանքի ստեղծման միջոցով ։ Խթանել Հայաստանում մարդու իրավունքների և ազատությունների հետ կապված խնդիրների լուսաբանումը

աջակցել ՄՔՏՄ ծրագրում ընդգրկված թիրախային լրատվամիջոցների փաստերի ճշգրտման և տեղեկատվության ստուգման կարողությունների զարգացմանը։

- նպաստել ՀՀ –ում տեղի ունեցող բարեփոխումների գործընթացի մասին հանրային իրազեկվածության բարձրացմանը , վեր հանել տարբեր ոլորտներում (սոցիալական, բնապահպանության, կրթության, տեղական և պետական կառավարման և այլն) մարդու իրավունքների հետ առնչվող խնդիրներ:

խրախուսել մուլտիմեդիա ձևաչափերի օգտագործումը հանրության համար կարևոր թեմաները լուսաբանելիս (մասնավորապես՝ լոնգրիդի (longread), սակայն կարող են առաջարկվել այլ ֆորմատներ), ինչպես նաև համապատասխան գործիքների տիրապետելը ՝ նյութերը ավելի վիզուալ, գրավիչ և մատչելի ներկայացելու համար։

նպաստել Հայաստանում մարդու իրավունքների ու հիմնարար ազատությունների շուրջ ստեղծագործ և նորարարական հեղինակային մեդիա բովանդակության ստեղծմանը և տարածմանը։

ՄԵԴԻԱ ԱՐՏԱԴՐՈՒԹՅԱՆ ԱՋԱԿՑՈՒԹՅՈՒՆ

ՀՐԱՎԻՐՅԱԼ ԴՐԱՄԱՇՆՈՐՀԱՅԻՆ ՄՐՑՈՒՅԹ

Մրցույթի նպատակն է

- Նպաստել ՀՀ-ում տեղի ունեցող բարեփոխումների գործընթացի մասին տեղեկատվության տարածմանը, հանրային մասնակցության բարձրացմանը նպաստող իրազեկմանը՝ որակյալ մեդիա արտադրանքի ստեղծման միջոցով ։ Խթանել Հայաստանում մարդու իրավունքների և ազատությունների հետ կապված խնդիրների լուսաբանումը

Ծրագրի շրջանակներում դրամաշնորհային աջակցություն կտրամադրվի

Տարբեր հարթակներում (հեռուստատեսություն, ցանցային, տպագիր, ռադիո) նորարարական մեդիա բովանդակության ստեղծման համար:

Ակնկալում է յուրահատուկ և ստեղծագործական մոտեցումներ առանց ժանրային սահմանափակումների։

Խրախուսվում է մուլտիմեդիա ժանրերի կիրառումը, ժամանակակից մեդիա գործիքների օգտագործումը, լսարանի մասնակցությունը բովանդակության ստեղծմանը, տարածմանը, քննարկմանը և այլ հնարքների կիրառում։

Ստորև ներկայացված են հնարավոր, սակայն ոչ ամփոփ թեմաները, որոնք կարող են հիմք դառնալ առաջարկվող գաղափարների համար։ Ենթադրվում է, որ ծրագիրը ուղղված է լինելու մեկ խմբին, նշված թեմաներից մեկին կամ մի քանիսին, լինելու է հնարավորինս թիրախավորված։

Բարեփոխում

Սոցիալական

Թեմաներ

երեխաներին վերաբերող խնդիրներ, ծառայություններ
մանկատներում և հատուկ հաստատություններում մեծացող երեխաներ
խնամակալ ընտանիքներ
կրթությունից դուրս մնացած երեխաներ
հատուկ կարիքներով երեխաներ
հաշմանդամություն ունեցող անձանց, հատկապես նրանց զբաղվածությանն առնչվող հարցեր
խնամքի և սոցիալական օգնության ծառայություններ
տարեցների խնամք
սոցիալական ինտեգրված ծառայություններ
կենսաթոշակային բարեփոխումներ

Բարեփոխում

Կոռուպցիայի դեմ պայքար, հաշվետու և թափանցիկ կառավարում

Թեմաներ

կոռուպցիայի դրսևորումներ տարբեր ոլորտներում և կառավարման տարբեր մակարդակներում
թափանցիկ և պատասխանատու հանքարդյունաբերություն
բյուջեների, պետական ծախսերի թափանցիկություն
հակակոռուպցիոն ծրագրեր, նախաձեռնություններ, տեղական և միջազգային մարմիններ, Բաց կառավարման գործընկերության շրջանակներում ստանձնած պարտավորություններ
այլ

Բարեփոխում

Տեղական ինքնակառավարում

Թեմաներ

ՏԻՄ մարմինների աշխատանքին, լիազորություններին վերաբերող խնդիրներ
տարածքային կառավարման հարցեր
համայնքների խոշորացման, ապակենտրոնացման գործընթացներ
տեղական բյուջեների խնդիրներ
տեղական ընտրությունների հետ կապված հարցեր
այլ

Բարեփոխում

Մարդու հիմնարար իրավունքներին առնչվող թեմաներ

Թեմաներ

դատական համակարգ
խոսքի և արտահայտման իրավունք, ազատ լրատվամիջոցներ
փոքրամասնությունների իրավունքներ
տարբեր սոցիալական խմբերի իրավունքներ
կանանց իրավունքներ
այլ հիմնարար իրավունքների խախտման, իրազեկման խնդիրներ։

Ով կարող է դիմել

Դրամաշնորհային մրցույթին կարող են մասնակցել
«Մեդիան քաղաքացիների տեղեկացված մասնակցության համար» ծրագրում ընդգրկված թիրախ լրատվամիջոցները։

ՄԵԴԻԱ ԱՐՏԱԴՐՈՒԹՅԱՆ ԱՋԱԿՑՈՒԹՅՈՒՆ

Դրամաշնորհի տևողությունը, բյուջե և համաֆինասավորումը:
ԱՄՆ կառավարությունից ստացած այլ դրամաշնորհներ կամ միջոցները չեն դիտարկվի իբրև համաֆինանսավորում:

Դրամաշնորհի տևողությունը

Յուրաքանչյուր ծրագրի տևողությունը կարող է լինել

6-12 ամիս:

Դրամաշնորհի բյուջեն

Մեկ դրամաշնորհի սահմաններում կտրամադրվի 4.000.000 - ից մինչև 14.000.000 ՀՀ դրամ:

Համաֆինասավորում

Հայտատու կազմակերպությունից ակնկալվում է առնվազն 15% համաֆինանսավորում ծրագրին` դրամական և/կամ ոչ դրամական միջոցներով։

ՀԱՅՏԵՐԻ ԳՆԱՀԱՏՄԱՆ ՉԱՓԱՆԻՇՆԵՐ
ԵՀՀ-ին ներկայացված հայտերը նախնական գնահատում կանցնեն ծրագրային թիմի կողմից՝ մրցույթին չհամապատասխանող առաջարկները բացառելու համար։ Այնուհետև հայտերը կներկայացվեն փորձագիտական հանձնաժողովին և կգնահատվեն ըստ հետևյալ չափանիշների։

Չափանիշ 1․

Նշված թեմաներին համապատասխանությունը
15 միավոր

Չափանիշ 2․

Ներկայացված ծրագրի նորարարությունը, նոր մեդիա գործիքների և մուլտիմեդիա ժանրերի կիրառումը և այլն
25 միավոր

Չափանիշ 3

Ծրագրի ակտուալությունը և կարևորությունը, յուրահատուկ մոտեցումները, հետաքրքիր պատմությունների և հերոսների առկայությունը.
20 միավոր

Չափանիշ 4

Ծրագրի ազդեցության հավանականությունը
20 միավոր

Չափանիշ 5

Ծրագրի բյուջեի և նպատակների համապատասխանությունը
25 միավոր

Դրամաշնորհին դիմելու կարգը

Ծրագրին մասնակցելու համար հայտատուները պետք է լրացնեն հետևյալ փաստաթղթերը և ներկայացնեն ԵՀՀ՝ էլեկտրոնային տարբերակով։
Լրացուցիչ տեղեկատվություն կարող եք ստանալ ԵՀՀ-ի պաշտոնական կայքից։
Հնարավոր հարցերը պարզաբանելու նպատակով ԵՀՀ ծրագրային թիմը կանցկացնի նախամրցութային սեմինար, որի ընթացքում կպարզաբանվեն հայտերի ներկայացման կարգի ու դրամաշնորհների հետագա վարման հետ կապված հնարավոր հարցերը, ինչը կնպաստի հնարավորինս որակյալ և գրավիչ առաջարկ կազմելուն:

ՈՒՇԱԴՐՈՒԹՅՈՒՆ

2017 թվականի ընթացքում մրցույթի նկատմամբ կիրառվում է բաց դռների մոտեցում, որի համաձայն հայտերը կարող են ընդունվել յուրաքանչյուր եռամսյակը մեկ։

Դեկտեմբեր 15

Մարտ 15

Հունիս 15

Սեպտեմբեր 15

«Մեդիանքաղաքացիներիտեղեկացվածմասնակցությանհամար» ծրագիրը քաղաքացիների համար ավելի հասանելի է դարձնում հասարակության վրա ազդող բարեփոխումների և ժողովրդավարական արժեքներին առնչվող հարցերի մասին անկախ ու վստահելի տեղեկատվությունը: Որակյալ լրագրության և մեդիագրագիտության տարածման միջոցով այն ստեղծում է հանրային վերահսկողության պահանջարկ որպես քաղաքացիների մասնակցության և ներգրավվածության անհրաժեշտ մեխանիզմ: Ծրագիրը համատեղ իրականացնում են Մեդիա նախաձեռնությունների կենտրոնը, Եվրասիա համագործակցություն հիմնադրամը և Ինտերնյուսը` ԱՄՆ Միջազգային զարգացման գործակալության ֆինանսավորմամբ:

Կոնտակտային տվյալներ

Լրացուցիչ տեղեկությունների համար կարող եք գրել կամ զանգահարելով՝ ԵՀՀ, ծրագրի ղեկավար Վարուժան Ավանեսյանին հետևյալ կոնտակտներով՝ +37410 25 15 75*222; + 37455 57 51 50; +37495 25 15 46, էլ. փոստ vavanesyan@epfound.am